I'm so tired é a canción de Fugazi máis sosegada pois excepto esta todas son dunha enerxía case incalculábel. Non obstante falamos da música porque a letra si que está cargada de potencia. O camiño de cadanseu debe estar rexido polas decisións propias sen mirar ao redor. A envexa que se menciona na canción é un estímulo para seguir adiante e por iso non pode convertirse nun obstáculo que paralice. As notas do piano envolven nunha atmósfera cargada de intimismo para acompañarnos nun día no que precisemos un impulso.