A improvisación como factor criativo, Monk acólle-o como consubstancial á arte musical que, elevada ao rango de espiritualidade, constrúe unha espiral jazzsística na que deixar o seu talento. Si, tamén a negritude foi un elemento destacábel na súa traxectoria-como en moitos outros nomes do jazz- facendo das composicións un movemento político, aquel que quere dignificar o valor dos homes e mulleres negros en loita contra o racismo perante unha sociedade maldita na que prolifera a alienación e que actúa como opresora máis tamén en función dun vínculo común simbólico como libertadora.